* صيف 2004 عامل في شركة الصوتوتال نخدم م 8 حتى 4 في درجة سخانة توصل حتى 49 درجة ( الجلدة متاع كرومتي تقشرت و تسلخت م تراب و سخانة)

*صيف 2005 صانع متاع دهان في سخانة يعلم بيها كان ربي الجلدة متاع صوابعي طرشقة و تسيب في الدم من جرت السيمان الابيض الي نبشو بيه في الحيوط

* صيف 2006 عامل في مركز نداء اتصالات تونس 
*صيف 2007 مرماجي في حضيرة بلمنزه

* 2007 نقري في اللغة العربية لطلبة اجانب و عملت دراسة مالية و قانونية لمشروع للمستثمر طحت بيه على انترنات و خلصة عليها برشا فلوس ...

* 2008 2009 محاسب متربص في شركة فرنسية قطاع الدراسات

* 2009 2011 محاسب في شركة ألمانية فنلندية قطاع الاتصالات و نقري في طلبة المعاهد الفرنسية بتونس

* 2011 2015 محاسب في مجمع شركات فرنسية قطاع الخدمات الإلكترونية و نقري في طلبة المعاهد الفرنسية بتونس

2016 محاسب في مجمع شركات ألمانية قطاع البناء .....

و بعد هذا الكل تحبوني ندافع على ناس تحب الخبزة الباردة ناس عمرها لا خمت تعمل حاجة وحدها ... انو يكون عندك شهادة تنجم تبلها و تشرب مها والي يحب يخدم ماعليه كان يحل مخو و يتعب و تو ربي يسهلو موش لازم تبدأ حياتك في بيرو ... بديت حياتي فوق شجرة متاع كرموس و كبرت بعدها و فيها موش عيب و موش حرام".